Се изначитав денес статуси, постови, коментари, критики, мудрувања за случувањата во Куманово и воопшто во Македонија.
Прво: Не ги мешајте протестите пред Влада и Собрание со случката денес.
Т.е. секој има право да направи протест и тоа е гарантирано со Уставот
на РМ. Секој протест каде што протестантите даваат цвеќе на оние кои го
надгледуваат протестот, тоа е знак на благодарност и мирен протест. На
протестите кои беа организирани за Мартин Нешковски, ако сте заборавиле,
и по неговото убиство имаше толпа народ кои бараа да се обелодени
таквото убиство. На овие протести сега имаше илјадници граѓани на РМ,
кои немаат никаква партиска функција а најмалку државна функција,
граѓани кои одвај преживуваат со 10 илјади денари.
Не можете на таквите граѓани да им препишете одговорност, и тие
демонстранти кои што се однесувале вандалистички пред државните
институции нека одговараат за тој настан во нивно име и тоа што тие го
направиле, а не да се поврзуваат 10.000 луѓе за нешто што направиле 20
луѓе.
Второ: Конфликтот денес во Куманово е кобен. Но, со кое право сите
фејсбукчии и порталисти зборат за денешниот конфликт со протестот
поврзан со Мартин Нешковски.
Зошто сакате едно убиство да префрлите со друго убиство? Зошто само во
Македонија убиствата остануваат без разрешување? Зошто Македонија
претставува Бермудски Триаголник и сите нешта тука згаснуваат? Зошто
трупи од Косово дошле на територија на Македонија, а воедно правеле
скандали?
- Кој им дал право на тие Косовари да дојдат на територија на Македонија
и зошто со оружје успеале да се сместат во Куманово без да знае некој
друг од властите во Македонија? Дали на територија на Македонија се
спремни премногу групи и можат да дејствуваат во секое време?
Зошто Албанците се мешаат со терористички групи и војуваат кога тоа не е
потребно и правата кои ги имаат во голема мера им се исполнети?
Но, нешто што ме мачи е всушност убиството денес на тројца бранители на
Македонија. Познато е и во 2001, македонските бранители не добија
никаква заслуга за тоа што ја бранеа Македонија. Македонските бранители
изгубија иако имаа подобра ситуација тогаш, македонските бранители губат
и денес иако имаат подобра ситуација.
И ако целта беше да се воведе страв кај македонските граѓани, еве да
напоменеме дека стравот е воведен. Кој поголем страв е од жртви во
државата, и која е целта на предизвикувањето страв?
Убаво рече Љубчо Георгиевски, личност која поминал една граѓанска војна и
кој беше на власт во 2001. Нека се случи таа преодна влада, и нека се
амнестираат сите политичари кои се умешани во криминалот, за да нема
повеќе жртви во Македонија. Најдобро е да се спречи, пред да се лечи. И
навистина, нека се амнестираат сите политичари, доста им е на граѓаните
од војни и конфликти, доста им е на граѓаните заплашување, доста им е на
младите во Македонија да гледаат само војни и убиства, без да можеме да
видиме еден ден поубаво. Ете, поради ова губиме секогаш кога настанува
конфликт, поради ова бегаме од државава, поради ова сме најзапустена
држава на Балканов и во Европа.
А оние кои зборат за бранителите на Македонија, доста префрлате по
фејсбук кој требало да оди во Куманово да се бори и кој не требало. На
граѓаните местото ни е во нашиот дом, а не на бојно поле. И бранителите
се нечии родители и синови, и тие имаат дом каде што треба да одат на
крајот на денот, а не им е домот на гробишта! Оставете ги оние кои
сакаат да протестираат, не ги присилувајте да прават терор врз
полицајците, бидејќи и полицајците се луѓе и се граѓани на РМ. Оставете
им го правото на оние што протестираат да го искажат својот револт.
Доказ: Дали ќе им се суди и по кој принцип ќе им се суди на оние кои
денес беа уапсени во акцијата во Куманово, дали ќе им се суди по
најстроги критериуми и дали ќе заглават во затвор во Македонија без
можност да бидат екстрадирани од таму каде што потекнуваат?
- Видете како ќе се одвиваат настаните, ќе сфатите дека од сето ова
денес ќе испадне едно големо НИШТО, само еден куп повредени од
бранителите!
Апелирам до граѓаните на РМ да не паѓаат на провокации, а воедно и да не прават провокации и да создаваат поголем конфликт.
9 Мај,2015
No comments:
Post a Comment