МАКЕДОНИЈА ВО ФОКУСОТ НА ЕУ И СВЕТСКАТА ЈАВНОСТ

Случувањата во РМ биле во фокусот на европската и на светската јавност.
Е ај да не бидат.. Нека изгинеме сите, па тогаш да се сврти фокусот ако не?!

И историски гледано, Македонците секогаш се обидувале да дејствуваат со цел да дознае Европа и светот за случувањата тука, а потоа како бумеранг ни се враќале поделбите кои Македонија ја направија држава со мала квадратура, на наша штета се зголемија соседните држави и направија големи кралства. Но, таквите идеи ги имаат сеуште, па не ми се верува дека тие империјалистички идеи соседниве држави некогаш ќе ги отфрлат. Згора над се, тие добиваат подршка од Европа и од светов, а ние добиваме само услов како да постапиме во тешки моменти (365 дена од годината за нас се тешки).
Како акционерско друштво да е Македонија, па да им ги дели териториите во вид на акции на соседните држави.
Ни се смеат другите народи кога ќе се претставиме дека сме Македонци, не плукаат веднаш штом ќе слушнат дека сме од Македонија.
Има едно нешто, а тоа се вика национален интерес. Тоа е за целата јавност, а државниците требаше во овие 25 години независна држава да се водат според тој национален интерес и да го зачуваат интегритетот на државата, па доколку може и нешто да се ќари на геополитички план.
Но, ова е мизерија.
Читам порталиве од Бугарија, Србија, Хрватска, па и некои од ЕУ, велат дека ова е почетокот од крајот на РМ. Како Македонец не можам да го поднесам тоа, едноставно не сакам да го поднесам ова омаловажување. А патриотизам не можеме да глумиме, кога во денешно време, во 21 век, не смее да игра главна улога пушката, туку треба информациите и образованоста на луѓето, треба консензусот да игра главна улога како најмоќно средство на демократијата.
Но, овде во 21 век не постои демократија.
Исчезна демократијата, наспроти личните интереси. Исчезнуваме како нација, наспроти личните интереси. Не тепаат како стока, поради негарантирањето на граѓанските права. Живееме во страв, затоа што така ни налага системот.

Сега сфаќам зошто Александар Македонски треба да го гледаме како светец.
После него, Македонија веќе никогаш не виде спокој. По него, Македонија цело време е под ропство, а овие 25 години Македонија талка во амбисот, не може да го најде излезот и да ни воведе мир и спокој на нас граѓаните.
Македонија по Александар е осудена на губење територии, осудена е да прави отстапки од своите граници, за да бидат другите задоволни.
Задоволни се сите други, само ние граѓаните се отуѓивме од ова парче земја, не отуѓија високите даноци, не отуѓи начинот кој не можеме да просперираме во сопствена држава, не отуѓи начинот дека ја губиме државата и нашите домови за висока сума пари, не прокнижи модерниов свет, не уништи глобализацијата. Се покажуваме немоќни да издржиме на нозе и да дејствуваме позитивно.

А имаме сите граѓани една желба: Да живееме во онаква Македонија каква што ја сонуваа нашите предци, и за која се бореа нашите предци. Силна, единствена, ВЕЧНА МАКЕДОНИЈА!!

12 Мај,2015